let's exchange breaths

jáhá! ég er andvaka aftur..
Held það sé útaf óendanlegum verkjum í líkamanum.
Ég er líka afskaplega blá flekkótt öll.

Svo er líka aftur komið drasl í herbergið mitt (djöfull ég sem var búin að halda því hreinu svo lengi) og ég held því fast fram að ástandið í herberginu mínu hafi mikil áhrif á ástandið í hausnum mínum... (eða kannski það sé öfugt?)
En eins og þið vonandi vitið (ykkar vegna, annars hafið þið verið að misskilja big time) þá þegar maður ætlar að taka til í lífi sínu þá er alltaf best að byrja á herberginu.

andvakapæling4967463559684547:
þegar maður sækir um á dansbraut í LHÍ þá þarf maður að ganga í gegnum líkamspróf, er það líka gert í hinum deildunum? Ég er allavega alvarlega farin að halda að það sé einhver ákveðinn þyngdarstuðull sem listaháskólanemar meigi ekki fara yfir. Eða er bannað að fara með mat inn fyrir lóð skólans.. nei ég bara svona spyr..














Andvaka er voðalega skrítið orð, það er eiginlega ekki rétt.

mig langar rosalega í kirsuber, en mér finnst þau samt ekki góð og mér finnst rosalega leiðinlegt að finnast þau ekki góð, því þau eru svo falleg. Mig langar rosalega að finnast þau góð því þau eru svo falleg.

ég er aftur á stærð við hrútaber. eða nei. kannski er það ekki rétt, því að hrútaber eru frekar stór ber og krækiber eru minni, en krækiber má borða. Ekki fuglaber og ekki Hrútaber.

ég tek það fram að ég er eiginlega sofandi núna að skrifa og ætla því að gefa því aðra tilraun að sofna. Ég hlakka til að vakna, og fá mér súrmjólk með múslí og kaffi, aðallega því það lyktar svo vel, betur en það bragðast..